Бөтүҥ элбэх оҕолоох эдэр ыала тыа хаһаайыстыбатын талла
РИГ SAKHAPRESS.RU Нам улууһун Бөтуҥ нэһилиэгин 5 оҕолоох эдэр дьиэ кэргэнэ тыа хаһаайыстыбатын сайыннарыыга, саҥалыы көрүүгэ күннэтэ күүскэ үлэлэһэллэр. Дьиэ кэргэн далбар хотуна Анастасия Яковлевна Лукина, сүөһүнү элбэтэр, тыа хаһаайыстыбатыттан дохуот ылан дьиэ кэргэнин иитэр сыалтан, бу сыл бааһынай хаһаайыстыба тэринэн Тыа хаһаайыстыбатын уонна аска-үөлгэ министиэристибэтэ биэрэр «Саҥа саҕалыыр фермер» гранын ылан 8лэтин-хамнаһын күүскэ ылыста.
Гран көмөтүнэн аныгылыы матырыйаалынан 50 төбөлөөх хотону үлэҕэ киллэрдэ. Хотон толору механизациялаах буолара былааннанар. Билиҥҥи туругунан этэҥҥэ сүөһүлэрин кыстыкка киллэрэн үлэлии-хамсыы сылдьар. Эбии оҕолорун сибиэһэй сымыытынан аһатаары 5 кууруссалаахтар, күннэтэ бэйэ сымыытын сииллэр.
«Үлэбин саҥа саҕалыырбар олус ыарахан этэ. Ханна, хайдах уонна туохтан саҕалаан бааһынай хаһаайыстыба тэринэрбин ыарырҕатар буолан толло саныырым. Ону кэргэним Альберт өйөөн, нэһилиэгим баһылыга, тыа хаһаайыстыбатын исписиэлииһэ өйөөннөр, көмөлөһөннөр санаабын бөҕөргөппүтүм. Дьарыкпын саҕалыырбар, үлэбэр-хамнаспар Саха Өрөспүүбүлүкэтин Тыатын хаһаайыстыбатын уонна аска:үөлгэ политикатын министиэристибэтин иһинэн үлэлиир Сүбэлиир-методологичиэскэй киин исписиэлиистэрэ күүскэ көмөлөстүлэр: үбү-харчыны дьаһанартан саҕалаан, күннээҕи сүөһү көрөр дьарыгым мындырдарыгар тиийэ сүбэлииллэр. Быйылгы дьыл төһө да ыарахан буоллар, сүөһүм кыстыыр аһылыгын толору хааччынан олоробут. Министиэристибэ иннигэр туруоруммут былааммын быйыл томточчу бары көрүҥүн толорордуу олоробун. Улуустааҕы тыа-хаһаайыстыбатын салалтата өрүү туох баарынан көмөлөһөр» диэн санаатын Анастасия үллэстэр.
Анастасия Яковлевна сүөһү иитиитигэр олус күүскэ ылсар баҕалаах буолан, бэйэтин олоҕун тыа хаһаайыстыбатыгар аныыр сыалтан быйыл Дьокуускайдааҕы тыа хаһаайыстыбатын академиятыгар «Зоотехник» идэтигэр бастакы кууруска кэтэхтэн үөрэнэ киирдэ.
Тыа хаһаайыстыбатын уонна аска-үөлгэ политикатын министерствотын пресс-сулууспата
Хаһаайыстыба салайааччыта Анастасия Яковлевна
Кэргэнэ Альберт
Дьиэ кэргэнинээн
Аныгылыы хотнно үлэҕэ киирдэ
ТОП
- Гороскоп на 24 апреля 2024 года: Вы нервничаете из-за пустяков
- В «аквариуме» чуть не утонули двое детей, или Как таджик Хасан Авгонов спас их
- Жительнице Якутии, которой муж отрезал ухо и нос, требуется помощь
- В Якутии пьяный мужчина с ножом ограбил три магазина: Добычей злоумышленника стали 13 бутылок водки
- Суд вернул квартиру пенсионерке, продавшей свое единственное жилье под влиянием мошенников
Свежие новости
- В Якутии осужден судоводитель, по вине которого утонул пассажир
- Якутскэнерго показало высокие результаты по итогам Месячника охраны труда
- В Якутске мужчина по решению суда возместил часть стоимости ремонта "Лексуса", поврежденного в ДТП
- Опрос ВТБ: переводы по СБП используют более 70% дальневосточников
Комментарии
Добавить комментарий