Наверх

Претензиялыыр—ирдэбил үлэ

17:12 23.10.2017 | Автор: Элбэх квартиралаах олорор дьиэлэр хапытаалынай өрөмүөнүн Фондатын Пресс сулууспата

РИГ SAKHAPRESS.RU Элбэх квартиралаах олорор дьиэлэри бас билээччилэргэ бэс ыйын бастакы күнүттэн 2014 сылтан эбэһээтэлинэй хапытаалынай өрөмүөн иһин квартираны бас билээччилэр усунуос төлүүллэр. Саамай кыра усунуос кээмэйэ республика үрдүнэн мас дьиэлээхтэргэ биир кватраднай миэтэрэҕэ 3 солкуобай 60 харчы. Лиифтээх таас дьиэлэргэ биир квадратнай миэтэрэ иһин 8 солкуобай ирдэнэр.

Боппуруос хапытаалынай өрөмүөн иһин, элбэх квартиралаах дьиэлэргэ уопсай бас билии малын РФ конституционнай суутунан сокуоннайын туһунан бары бас билээччилэргэ олоччу тарҕанар. Ити курдук судаарыстыбаннай уонна Муниципальнай бас билиилэргэ эмиэ сыһыаннаах.Усунуоһу төлөөһүн элбэх квартиралаах олорор дьиэлэргэ, дьон олорбот сиригэр гражданнартан, юридическай сирэйдэртэн ол  курдук судаарыстыбаннай уонна Муниципальнай бас билиилэртэн олоччу усунуос ирдэнэр.

Хапытаалынай өрөмүөн иһин усунуос хайаан да атын ЖКХ төлөбүрдэрин кытары холбуу төлөнүөхтээх.

Хомуллубут суумма элбэх квартиралаах олорор дьиэлэри өрөмүөннээһиҥҥэ туттуллар. Ити стоимостка тутуу матырыйаалларын уонна да атын прибордары атыылаһыыга уонна үлэ иһин хамнаска төлөбүрдэргэ бэдэрээттэһэр тэрилтэлэргэ туттуллар. Усунуоһу бириэмэтигэр төлөөбөт буолуу хапытаалынай өрөмүөн ыытыллыытын атахтыан сөп.

Хомойуох иһин бары бас билээччилэр ортолоругар төлөбүрү бириэмэтигэр кыайан төлөөбөттөр. Ити түгэҥҥэ усунуоһу төлөөбөтөххө хапытаалынай өрөмүөнү ыытыллар дьиэтэ өрөмүөннэнэр кыаҕа суох буолар.

Оһуобайдык бэлиэтиир наада. Өскөтүн усунуоһу бириэмэтигэр төлөөбөтөххө хапытаалынай өрөмүөн республикатааҕы Фондатынан суутунан ирдэбил оҥоһуллан республикатааҕы хапытаалынай өрөмүөн Фондатыгар төлөммөтөх суумманы төлөтөллөр.

2017 сыл тоҕус ыйын түмүгүнэн ФКР МКД СР суукка 3953 сайабылыанньаны уопсайа 56 427 995 солкуобайга оҥордо. Ол иһигэр юридическай сирэйдэргэ 48 сайабылыанньа 2 011 007 солкуобайга оҥоһулунна. Ити иһигэр түөрт сайабылыанньа 69 655 солкуобайга бэйэлэрин баҕаларынан төлөөтүлэр.

Бэйэлэрин баҕаларынан иэстэрин төлөөбүт тэрилтэлэринэн ООО “Алмаз”, ЗАО “Победа”, ОАО “Звезда” уонна ООО “Консультативный юридический центр”.

Республиканскай иэскэ хабыллыбыт 6 ирдэбил сайабылыанньанан 1 942 351 солкуобай оҥоһулунна.

РФ сокуонунан суут ороскуотун судаарыстабаннай пошлината, ирдэһээччи суука ирдэспит ороскуота эппиэттээччиттэн ирдэнэр.

Олорор дьиэлэри бас билээччилэр хапытаалынай өрөмүөн иһин төлөнөр усунуоһу суут уурааҕынан олоччу төлүүр эбээһинэстээхтэр.

Өскөтүн бас билээччи суут уурааҕын билиммэт түгэнигэр элбэх квартиралаах олорор дьиэлэргэ хапытаалынай өрөмүөнү ыытар Фонда РФ суут приставтарыгар үҥсэр бырааптаах.

Суут уурааҕын толорбот түгэнигэр күүс өттүнэн (ФС 02. 10. 2007 229 нүөмэрдээх 229 “ФС оҥоһуутун толорор“) салаллан иэһи ылыы иэстээх киһи харчыта суох буоллаҕына малын тутан ылан иэһи сабыы оҥоһуллар. Өскөтүн иэһи сабыыга кыһаммат иэстээх дьоҥҥо өссө үҥсүү киирэр түбэлтэтигэр МВД быраабы харыстыыр уорган сотрудниктарын көмөтүн туһанан ньэҥниир оҥоһуллуон сөп.

Иэстээх киһи кыраныысса таһыгар тахсар бырааба суох буолар.

РФ олох дьаһах кодексатынан бириэмэтигэр төлөммөтөх усунуоска пеня ааҕыллар. (РФ киин баанын рефинансиваниятын үс гыммыт биирэ кээмэйинэн күн аайы пеня ааҕыллар). Төлөбүр дьиҥнээхтик оҥоһуллуор диэри.

Элбэх квартиралаах олорор дьиэлэр хапытаалынай өрөмүөнүн Фондатын Пресс сулууспата

Рубрики: Якутия Общество
Поделиться в соцсетях:
Ник
Текст комментария