Чурапчыга дьаҥы утары үлэлиир быраастар “Биир ньыгыл Арассыыйа” баартыйаттан ас нобуорун туттулар

SAKHAPRESS Бүтүн Арассыыйа үрдүнэн “Биир ньыгыл Арассыыйа” баартыйа ыытар “Быраастарга махтанабыт!” (“Спасибо врачам!”) аахсыйатынан, Прокопий Сокольников аатынан Чурапчы киин балыыһатын дьаҥы утары үлэлиир быраастара 30 устуука чэйдииргэ минньигэс нобуордары бэлэх туттулар

“БИИР НЬЫГЫЛ АРАССЫЫЙА” Чурапчытааҕы салаатын сэкирэтээрэ, оройуон баһылыгын экономика боппуруостарыгар солбуйааччы Алексей Егоров уустук кэмҥэ улууспут тутаах быраастара дьон-сэргэ олоҕор болҕомтолорун иһин уонна сындалҕаннаах үлэлэригэр сүгүрүйэн туран, баартыйа аатыттан үөрүүлээх чааска кэлбит 5 исписэлиискэ эҕэрдэ суругу уонна ас нобуорун бэлэх уунна.

Улуус кылаабынай бырааһа Артем Ксенофонтов, баартыйа чилиэттэригэр быраастарга кыра да өйөбүл, болҕомто наадатын бэлиэтээн туран, дириҥник махтанна.

Санатан эттэххэ, билигин Чурапчытааҕы ковиднай отделениеҕа 11 быраас күннэри-түүннэри үлэлии-хамсыы сылдьар.

Сэмэн Жендринскэй

Источник: ulus.media