Бөтүҥ элбэх оҕолоох эдэр ыала тыа хаһаайыстыбатын талла
РИГ SAKHAPRESS.RU Нам улууһун Бөтуҥ нэһилиэгин 5 оҕолоох эдэр дьиэ кэргэнэ тыа хаһаайыстыбатын сайыннарыыга, саҥалыы көрүүгэ күннэтэ күүскэ үлэлэһэллэр. Дьиэ кэргэн далбар хотуна Анастасия Яковлевна Лукина, сүөһүнү элбэтэр, тыа хаһаайыстыбатыттан дохуот ылан дьиэ кэргэнин иитэр сыалтан, бу сыл бааһынай хаһаайыстыба тэринэн Тыа хаһаайыстыбатын уонна аска-үөлгэ министиэристибэтэ биэрэр «Саҥа саҕалыыр фермер» гранын ылан 8лэтин-хамнаһын күүскэ ылыста.
Гран көмөтүнэн аныгылыы матырыйаалынан 50 төбөлөөх хотону үлэҕэ киллэрдэ. Хотон толору механизациялаах буолара былааннанар. Билиҥҥи туругунан этэҥҥэ сүөһүлэрин кыстыкка киллэрэн үлэлии-хамсыы сылдьар. Эбии оҕолорун сибиэһэй сымыытынан аһатаары 5 кууруссалаахтар, күннэтэ бэйэ сымыытын сииллэр.
«Үлэбин саҥа саҕалыырбар олус ыарахан этэ. Ханна, хайдах уонна туохтан саҕалаан бааһынай хаһаайыстыба тэринэрбин ыарырҕатар буолан толло саныырым. Ону кэргэним Альберт өйөөн, нэһилиэгим баһылыга, тыа хаһаайыстыбатын исписиэлииһэ өйөөннөр, көмөлөһөннөр санаабын бөҕөргөппүтүм. Дьарыкпын саҕалыырбар, үлэбэр-хамнаспар Саха Өрөспүүбүлүкэтин Тыатын хаһаайыстыбатын уонна аска:үөлгэ политикатын министиэристибэтин иһинэн үлэлиир Сүбэлиир-методологичиэскэй киин исписиэлиистэрэ күүскэ көмөлөстүлэр: үбү-харчыны дьаһанартан саҕалаан, күннээҕи сүөһү көрөр дьарыгым мындырдарыгар тиийэ сүбэлииллэр. Быйылгы дьыл төһө да ыарахан буоллар, сүөһүм кыстыыр аһылыгын толору хааччынан олоробут. Министиэристибэ иннигэр туруоруммут былааммын быйыл томточчу бары көрүҥүн толорордуу олоробун. Улуустааҕы тыа-хаһаайыстыбатын салалтата өрүү туох баарынан көмөлөһөр» диэн санаатын Анастасия үллэстэр.
Анастасия Яковлевна сүөһү иитиитигэр олус күүскэ ылсар баҕалаах буолан, бэйэтин олоҕун тыа хаһаайыстыбатыгар аныыр сыалтан быйыл Дьокуускайдааҕы тыа хаһаайыстыбатын академиятыгар «Зоотехник» идэтигэр бастакы кууруска кэтэхтэн үөрэнэ киирдэ.
Тыа хаһаайыстыбатын уонна аска-үөлгэ политикатын министерствотын пресс-сулууспата
Хаһаайыстыба салайааччыта Анастасия Яковлевна
Кэргэнэ Альберт
Дьиэ кэргэнинээн
Аныгылыы хотнно үлэҕэ киирдэ
ТОП
- Гороскоп на выходные 27-28 апреля: Вас ждет обострение хронических заболеваний
- Глава Якутии прокомментировал инцидент с мужчинами, которые выехали на охотничьи угодья на несколько часов раньше открытия сезона
- Вольная борьба: В Грозном состоится якутский финал первенства России
- В Якутии прекращено уголовное дело в отношении оленевода, застрелившего собутыльника
- Дежурный прокурор: В Якутии совершены два убийства
Свежие новости
- Прогноз погоды на 27 апреля: В Якутске холодно, порывы ветра
- В Оймяконском районе получившему ожог в детском саду мальчику будет выплачена компенсация
- График ремонтных работ энергетиков на период с 27 апреля по 11 мая
- Госкомцен РС(Я) напомнил о запрете на необоснованное повышение цен на куриные яйца
Комментарии
Добавить комментарий