Капитальнай өрөмүөн Фондата: Элбэх квартиралаах дьиэлэр бас билээччилэрин үбүн-малын капитальнай өрөмүөнэ

Бу программаларга хас биирдии дьиэлэр капитальнай өрөмүөннэрин болдьохторо олохтоммут. Маны таһынан программанан квартиралар бас билээччилэрэ ыйын ахсын дьиэ капитальнай өрөмүөнүгэр булгуччулаах усунуос төлүүллэр. Бу иннинэ бас билээччилэр дьиэлэрин капитальнай өрөмүөнүгэр харчы хомуйалларын, эбэтэр “баҕар эргэриэ, эмэҕириэ суоҕа” диэн капитальнай өрөмүөнтэн аккаастаналларын бэйэлэрэ быһаараллар этэ. Кэлиҥҥи сылларга сокуоҥҥа капитальнай өрөмүөн уонна ону үбүлээһин туһунан үгүс саҥа уларыйыылар киирдилэр. Ол туһунан сиһилии ырытыахха.

Ханнык дьиэлэргэ капитальнай өрөмүөн оҥоһуллуоҕай?

- Капитальнай өрөмүөн Россия территориятыгар баар элбэх квартиралаах дьиэлэргэ барыларыгар оҥоһуллар. Ол эрээри маннык дьиэлэринэн булуоктаммыт, ол эбэтэр тута уулуссаҕа тахсар ааннаах элбэх квартиралаах дьиэлэр билиниллибэттэр. Саҥа тутуллубут дьиэлэр регионнааҕы программаҕа сыл буолан баран, эбэтэр саамай уһаабыта эксплуатацияҕа киллэриллибитин кэннэ биэс сылы аһарбакка капитальнай өрөмүөн программатыгар киллэриллэллэр.

Ханнык үлэлэр капитальнай өрөмүөҥҥэ киирсэллэрий?

- Дьиэлэрин дьиҥнээхтик хаачыстыбалаахтык өрөмүөннэтиэхтэрин баҕарар олохтоохтор капитальнай өрөмүөн үлэтин испииһэгин кытта билистэхтэринэ, кинилэр дьиэлэрин хаачыстыбалаах өрөмүөн күүтэрин өйдүөхтэрэ. Урут дьиэлэр подъезтарын эркиннэрин кырааскалааһыны өрөмүөнүнэн аахсар буоллахтарына, билигин балаһыанньа уларыйда. Капитальнай өрөмүөн диэн -- 1 Дьиэ иһинээҕи инженернэй ситимин өрөмүөнэ: электрическэй уотун, ититиитин, итии уонна тымныы уутун, гаһын, уутун ситимин. 2 Лифт өрөмүөнэ эбэтэр уларытыыта. 3 Дьиэ сарайын өрөмүөнэ. 4 Дьиэ бадыбаалын өрөмүөнэ (уопсай баайга-дуолга киирсэр буоллаҕына). 5 Дьиэ фасадын өрөмүөнэ. 6 Дьиэ акылаатын өрөмүөнэ.

Бу пууннары таһынан РФ субъектара капитальнай өрөмүөн испииһэгин маннык пууннарынан эбэн биэриэхтэрин сөп: 1 Дьиэ фасадын хайааһын. 2 Вентеляцията суох сарайы вентеляциялаах сарайга уларытыы. 3 Сарайга тахсар тэрил оҥоруу. 4 Учуоттуур уопсай прибор туруоруу уонна да атын пууннары.

СР капитальнай өрөмүөнүн Фондатын пресс-сулууспата