Хапытаалынай өрөмүөн Фондата иһитиннэрэр

Хапытаалынай өрөмүөн Россия территориятыгар баар элбэх кыбартыыралаах дьиэлэргэ барыларыгар көрүллэр. Ол эрээри ити өҥөнөн дьиэҕэ киирэр аан атын тутууга үтүрүттэрбит, итиэннэ дьиэттэн тахсыыга улахан кирилиэһэ суох тута уулуссаҕа тахсар үгүс ааннардаах элбэх кыбартыыраралаах дьиэлэр туһамматтар. Саҥа тутуллубут дьиэлэр дьон олорбута биир сылын кэнниттэн, эбэтэр саамай уһаабыта биэс сылы аһарбакка эрэ хапытаалынай өрөмүөн регионнааҕы бырагырааматыгар киириэхтээхтэр.

Атын тутууга үтүрүттэрбит, ол эбэтэр улахан кирилиэһэ суох тута уулуссаҕа тахсар үгүс ааннардаах дьиэлэр элбэх кыбартыыралаах дьиэ дэммэттэр.

Хапытаалынай өрөмүөҥҥэ туох киирэрий?

Дьиэлэрин төрдүттэн үчүгэйдик өрөмүөннэтиэхтэрин баҕарар олохтоохтор хапытаалынай өрөмүөн үлэтин испииһэгин кытта билистэхтэринэ, кинилэр дьиэлэрин хаачыстыбалаах өрөмүөн күүтэрин өйдүөхтэрэ. Урут дьиэлэр подъезтарын эркиннэрин кырааскалыыры өрөмүөнүнэн ааҕар буоллахтарына, билигин балаһыанньа уларыйда. Хапытаалынай өрөмүөн диэн -- 1 Дьиэ иһигэр көрүллэр бары ситими саҥалыыттан сөргүтүү: уоту, ититэр систиэмэни, итии уонна тымныы уулары, гааһы, уунан хааччыйыыны кылбар оҥоруу. 2 Лифт өрөмүөнэ эбэтэр уларытыыта. 3 Дьиэ сарайын өрөмүөнэ. 4 Дьиэ бадыбаалын өрөмүөнэ (уопсай баайга-дуолга киирсэр буоллаҕына). 5Дьиэ тас өттүн, уопсай көстүүтүн тупсарыы, саҥалыы оҥоруу. 6Дьиэ акылаатын бөҕөргөтүү.

Бу пууннары таһынан РФ субъектара хапытаалынай өрөмүөн испииһэгин маннык пууннарынан эбэн биэриэхтэрин сөп: 1 Дьиэни ититэргэ тас өттүттэн хайан биэрии. 2 Салгын киирбэт гына оҥоһуллубут сарайы салгылыырын курдук уларытыы. 3 Дьиэ үрдүгэр тахсар кирилиэһи кичэйэн оҥоруу. 4 Барыны учуоттуур анал уопсай тэриллэри дьаһайан туруоруу уонна да атын пууннары.

Хапытаалынай өрөмүөн регионнааҕы бырагыраамалара. Регионнааҕы оператор.

Олорор дьиэлэргэ кэмигэр хапытаалынай өрөмүөн ыытылларын туһугар РФ субъектара ол туһунан регионнааҕы бырагырааманы ылыналлар уонна бигэргэтэллэр. Биир регион иһинэн биир бырагыраама ылыныллыахтаах, онно баар буолуохтаах: 1 Региоҥҥа баар элбэх кыбартыыралаах дьиэлэр испииһэктэрэ. 2 Дьиэ хапытаалынай өрөмүөнүгэр көрүллэр, сүнньүнэн оҥоһуллар өҥөлөр уонна үлэлэр испииһэктэрэ. 3 Дьиэ хапытаалынай өрөмүөнүн болдьоҕо.

Бу бырагырааманы Интерниэтинэн бэйэҕит субъеккыт тустаах министерствотын саайтыгар булуҥ. Бырагыраама маны таһынан регионнааҕы оператор саайтыгар тахсыбыт буолуон сөп. Бу атыылыыр-эргинэр бырааба суох тэрилтэ, ол хас биирдии субъекка хапытаалынай өрөмүөнү үбүлүүр уонна элбэх кыбартыыралаах дьиэлэргэ тустаах өрөмүөнү оҥорор сыаллаах тэриллэр. Дьиэлэри бас билээччилэр регионнааҕы оператордары анал счет хаһаайынын быһыытынан ылыныахтаахтар, бу счет кинилэр үптэрин-харчыларын мунньар уопсай “хочуоллара” буолар. Бырагыраамаҕа чопчу эһиги дьиэҕитигэр ханнык өрөмүөн уонна ханнык кэмҥэ оҥоһуллара былааннанарын туһунан чопчу билиэххитин сөп. Ол эрээри бырагыраама сылын аайы ырытыллар, ол иһин онно ыйыллар чахчылар уларыйыахтарын сөбүн билиэх тустааххыт.