Үөрүү биир түгэниттэн!

Мин махталбын тиэрдиэхпин баҕарабын бу балыаһа сүрүн хотунугар Горохова Зоя Прокопьевнаҕа. Былыргылар этэллэринэн: «Ханна да тиийдэххинэ дьиэҕэ киирдэххинэ, хаһаайын хайдаҕын көрөҕүн-истэҕин»-дииллэрэ. Ол курдук бу балыыһа иһэ ырааһа, дьоно-сэргэтэ сайаҕастара, дэлэй эмтэрэ, ньымалара үгэһэ, астара үчүгэйэ, түүннэри-күннэри сүүрэллэрэ кинилэри көрөн дууһалыын астынаҕын, ыарыыгын да умнаҕын.

Манна махталбын тиэрдиэм этэ эмтэммит быраастарбар, сиэстирэлэрбэр: Слепцова Сардаана Александровнаҕа, Кудрина Полина Ивановнаҕа, Габышева Татьянаҕа, Павлов Сергейга, Егорова Аннага уонна да атыттарга.

Киһи ыраас буоларын туһугар кыһаллыбыт, сууйан-сотон оҕолообут дьоҥҥо:Цыпандина Марияҕа, Дегтярева Марияҕа, Тохмачева Аленаҕа махтанабын.

Киһилии кыһаллар, ис-сүрэхтэрин уурар, көмө-ама буолар дьоҥҥо баҕарабын Өймөкөөн хайатынааҕар үрдүк ситиһиини, ыстаал доруобуйаны,бары үчүгэйи.

Маҥан халааттаах аанньалларга -тыыны уһатар быраастарга

Күн сирин көрдөрөөрү,

Тыыммытын уһатаары,

Оҕолорбутун сыллатаары,

Сылаас чэйи иһэрдээри.

Түүннэри-күннэри

Эмтээн-томтоон,

Үтүөрдэ охсоору,

Сууйан-сотон аһан-сиэтэн,

эм арааһын биэрэллэр,

Ньыма арааһын тутталлар,

Күүс күдэх киллэрэллэр.

Сылаас илиилэринэн,

Сайаҕас санааларынан,

Холку сыһыаннарынан,

Үөрбүт харахтарынан

Үөрэн-көтөн сүбэлээн-амалаан,

Санаабытын көтөҕөллөр

Ыарыыбытын эмтииллэр

Өймөкөөн улууһа, Төрүт бөһүөлэгэ олунньу ый, 2016сыл Тамара БОСИКОВА