"Сахаэнерго" тэрилтэ Депутатскайы кыһыҥҥа бэлэмниир

"Сахаэнерго" сүрүн инженерэ Петр Кондратьев этэринэн, күһүҥҥү-кыһыҥҥы кэмҥэ бэлэмнэнии чэрчитинэн былаан быһыытынан хочуоллары өрөмүөннээбиттэр, бүгүҥҥү туругунан бары резервэҕэ бааллар.

Депутатскайдааҕы ТЭЦ оборудованиета бэлэм, кырааска үлэтэ түмүктэнэн эрэр. Бу саас бэдэрээт тэрилтэтэ улуус киинигэр баар "Дьүкээбил уота" диэн модульнай хочуол оҥоһугун ууну сылытар икки хочуолун өрөмүөнүгэр аналлаах матырыйааллары тиэрдибитэ. Бу хочуоллар кырдьаҕастар уонна доруобуйаларынан хааччахтаах дьон улуустар икки ардыларынааҕы интэринээт-дьиэлэрин (Уус-Дьааҥытааҕы МДИПИ) ититиэхтэрэ. Күн бүгүн "Дьүкээбил уота" өрөмүөнэ бүппүт.

Энергетиктар Депутатскай бөһүөлэгэр итиини атырдьах ыйын 22 күнүгэр холбуур былааннаахтар. "Дьүкээбил уота" модульнаҋ хочуолунай оҥоһугу атырдьах ыйын 17 күнүттэн үлэлэтиэхтэрэ.

«Сахаэнерго» пресс-сулууспата