РИГ SAKHAPRES.RU Дьөһөгөй Оһуокайын күрэхтэһиитин БАЛАҺЫАННЬАТА. Буолар күнэ-дьыла: Бэс ыйын 29-30 күннэрэ Ыытыллар сирэ: «Үс Хатыҥ» Оһуокай түһүлгэтэ Саҕаланыыта: 14 ч.00 ( Ыһыах аһыллыытын сиэрин-туомун кэнниттэн) Саха омук күөххэ үктэммит үөрүүтүгэр Үрдүк айыыларыгар сүгүрүйэр, аан дойдутун иччилэригэр махтанар, сирин-дойдутун үрүҥ илгэннэн аһатар, аал уотугар айах тутан бар дьонугар дьолу-соргуну көрдөһөр. Сыһыы аайы сыспай сиэллээҕи үөскэппит, толоон аайы тоҕуоруппут Күрүө Дьөһөгөй Тойону Орто дойду олохтоохторо быйылгы дьылга айхаллыыллар-уруйдууллар. Дьөһөгөй Тойон Орто Дойдуга үөскүүр күүстээх түөстээх, көмүөллээх күөмэйдээх уол оҕолор таҥаралара буолар. Ыһыах сай бараан төрүт тыына саха омук кылыһахтаах ырыатыгар-тойугар, оһуор-бичик тыллаах, оҥкуллаах-отуордаах оһуокайыгар, омуннаах-төлөннөөх олоҥхотугар, хомуһуннаах хоҥкунас тыастаах, холобура суох хоһоонноох хомуһугар олохсуйар. Онон Күрүө Дьөһөгөй Тойоҥҥо анаммыт оһуокай күрэһэ амарах алгыс тыллаах, үтүө дьайыылаах хоһоонноох, чэгиэн кут тэтимнээх буолар. Быйылгы Күрэхтэһии сыала-соруга: - ытык Оһуокайы Саха Сиригэр, саха омук олохсуйбут сирдэригэр тарҕатыы-тэнитии, Аан Дойдуга олохтоох атын омуктарга киэҥник билиһиннэрии; - эдэр дьону уһуйуу, саха тылын сүмэһинин эдэр этээччилэргэ үөрэтии,иҥэрии; - төрүт үгэстэри дьоҥҥо, ыччакка тарҕатыы, атын куһаҕан тыыннаах сабыдыалтан тэйитии; - былыргы Ытык Оһуокай алгыс тылларын сөргүтэн, умнуллан эрэр духуобунай күүһүн бөҕөргөтүү Кыайыыны быһаарар ирдэбиллэр - этээччи хоһуйуутун ис хоһооно, уус-уран тыла, куолаһын чуора-кэрэтэ, түһүлгэни тутара, сахалыы таҥаһа-саба, сиэри-туому тутуһуута, хамсаныыта. - биир саҕалаабыт быһыытын уларыппакка тутуута; - бүлүүлүү оһуохайга түһүмэхтэрин тутуһуу (туойан саҕалааһына, хаамтарыыта, көтүтүүтэ, уоскуутута-налыытыыта) - саха Түөлбэ оһуокайдарын арааһын көҕүлээһин, тарҕаатааһын. Кыттаачыларга ирдэбил Күрэхтэһии аһаҕас, ким баҕалаах кыттар. Сайаапка биэрэргэ анкета толоруллар, паспорт ирдэнэр. Кыттааччылар категориялара Оҕолор – 10-16 диэри саастаахтар Эдэрдэр – 17 -35 саастаахтар Орто саастахтар – 36-60 диэри саастахтар Аҕа саастаахтар – 60 сааһыттан үөһээ Кыайыылаахтары наҕарадалааһын Дьөһөгөй Ыһыаҕын Дархан этээччитэ (Гран-При) Үс бөлөҕүнэн бастыҥнар быһаарыллаллар Анал ааттар ( именной бириистэр) Түөлбэ үгэстэринэн оһуокайы өйөөччүлэргэ, уһуйааччыларга анал бириистэр Быһаарыылар -Этээччилэргэ 40 мүнүүтэттэн итэҕэһэ суох, 1 чаастан ордуга суох бириэмэ бэриллэр.40 мүнүүтэ кыайан эппэтэх үҥкүүһүт бириистээх миэстэлэргэ салгыы киирсибэт. -Оҕо оһуохайдьыттар:10-13 дылы саастаахтар 3-5 мүнүүтэттэн итэҕэһэ суох оһуохайдыахтаахтар.Ону таһынан оҕо оһуохайдьыттар ханнык баҕарар тиэмэҕэ оһуохайдыахтарын сөп. -Сэрэбиэй күрэхтэхтэһии саҕаланыан иннинэ эрэ ыытыллар. Ол кэннэ, сэрэбиэйи тардыбатах этээччи кыттыбат. -Этээччи кынат дьонун бэйэтэ булан, түһүлгэ саҕаланар бириэмэтигэр бэлэм буолуохтаах. Ыҥырыллыбыт кэмигэр кэлбэтэҕинэ күрэхтэһииттэн уһуллар. -Бириэмэнэн хааччахтыыры эбэтэр хааччахтаабаты Дьүүллүүр Сүбэ миэстэтигэр этээччи элбэҕиттэн-аҕыйаҕыттан көрөн быһаарар. - Этээччилэр, кинилэр кынат дьонноро, бириэмэлэригэр эттилэр даҕаны баран хаалбакка, атын этээччини өйөөннөр кынат буолан кытталлара учуоттанар -Ис хоһоон, түһүлгэни тутуу, куолас, таҥас, уус-уран тыл-өс сыаналааһына Дьүүллүүр Сүбэ балаһыанньатынан барар. Билсэр телефоҥҥут: 89248618921,
Прасковья Николаевна Терешкина 89142385487,
Александр Лаврентьевич Тарский 89142909846,
Евдокия Ефимовна Семенова 89644180776
, Вилена Михайловна Константинова 
Комментарии
Добавить комментарий